Fjölbrautaskóli Norðurlands Vestra bauð nemendum á unglingastigi á iðnkynningu í dag. Nemendur okkar fengu að spreyta sig í málm- tré- og rafiðn.
Í málmsmíði útbjuggu þau páskaegg úr járni og að auki fengu þau að logsjóða.
Í trésmíði bjuggu þau til skurðarbretti og í rafiðn settu þau saman fjöltengi.
Nemendurnir voru ánægðir með fjölbreyttan og skemmtilegan dag og eru margs vísari eftir daginn.
Við þökkum iðngreinakennurum í FNV kærlega fyrir höfðinglegar móttökur og sama segjum við um mötuneyti heimavistarinnar sem bauð upp á dýrindis máltíð.