Nemendur í 1. og 2. bekk hafa brallað ýmislegt í skólanum í haust.

Nemendur í 1. og 2. bekk hafa brallað ýmislegt í skólanum í haust. Viðfangsefnin í september og október voru mikið til tengd plöntum og skordýrum og í tilefni af degi íslenskrar náttúru sem er 16. september, fóru nemendur ásamt skólahóp leikskólans í vettvangsferð í Hólaskóg. 

Þar var útikennsla heilan morgun. Hápunktur dagsins var að búa til pítsur í skógarskólastofunni. 

Í október var gistinótt í skólanum. Eftir skemmtilegt kvöld með leikjum og sprelli úti og inni var sofið í skólastofunni til morguns. Daginn eftir, sem var síðasti dagur fyrir vetrarfrí, var svo haldið upp á bangsadaginn.