Skólaferðalag 8. - 10. bekkjar

Nemendur í 8. - 10. bekk fóru í skólaferðalag dagana 22. - 24. maí. Þau byrjuðu ferðina á Hopplandi á Akranesi þar sem þau hoppuðu í sjóinn af bryggjunni, trampólíni eða fjórum misháum pöllum og gistu síðan í Reykjavík.  

Daginn eftir fóru þau í Adrenalíngarðinn á Nesjavöllum, eins og nafnið gefur til kynna þá upplifðu þau skemmtilegt ævintýri, kitl í magann og gleði í fallegri náttúru.
Gist var á Hvolsvelli seinni nóttina. Síðasta daginn fór hópurinn í ,,super jeep” dagsferð í Þórsmörk.

Að auki fóru þau í sundferðir, keilu, hláturjóga, pizzaveislu, hamborgaraveislu og karókí.

Nemendur komu þreyttir og sælir heim eftir afar vel heppnaða ferð.