Fréttir

Eins og allir vita hafa átt sér stað miklar breytingar í okkar samfélagi og það er akkúrat á svona stundum þar sem sameiningar máttur minni staða kemur í ljós. Starfsfólkinu og nemendunum var skipt upp í smærri hópa og þó það sé nokkuð ljóst að það sé söknuður innan hópsins að fá ekki að hitta alla, að þá eru hóparnir samt að plumma sig vel og gleðistundirnar margar.

Hér er yfirlit yfir skipulag á skólastarfi Grunnskólans austan Vatna, vegna takmarkana á skólastarfi sem heilbrigðisráðherra setti og gildir frá 16. mars kl. 00:01 til 12. apríl 23.59:

Miðvikudaginn 11.mars fellur skólahald niður á Hofsósi vegna hvassviðris, ofankomu og lélegra aksturskilyrða. Gildir þetta fyrir grunnskólann sem og tónlistarskólann. En skólahald fer fram á Hólum samkvæmt stundaskrá.

Í gær miðvikudaginn 4.mars tók GaV þátt í skólahreysti vorum við þar í riðli með skólum utan Akureyri á Norðurlandi vestra. Þeir sem kepptu fyrir hönd skólans voru Arnór Freyr Fjólmundsson, Konráð Jónsson, Agla Rut Egilsdóttir og Njála Rún Egilsdóttir, Katla Steinunn Ingvarsdóttir var varamaður en því miður var Vignir Nói Sveinsson veikur.

Þriðjudaginn síðastliðinn voru Menntabúðir í Skagafirði haldnar í Grunnskólanum austan Vatna á Hofsósi. Þátttaka var mjög góð en yfir 50 manns mættu á málstofurnar sem starfsfólk skólans sá um. Óhætt er að segja að vel hafi tekist til og er skólinn mjög stoltur af öllu því frábæra fólki sem vinnur í skólanum og þarna var vinnu og verkefnum deilt með samstarfsfólki úr firðinum.

Fimmtudaginn 23. janúar fóru nemendur í 1. - 6. bekk á grunnskólamót UMSS í frjálsum íþróttum sem haldið var í íþróttahúsinu í Varmahlíð. Á mótinu tóku nemendur þátt í hinum ýmsu greinum og þrautum, svo sem langstökki, spretthlaupi, boltakasti og ýmsum þrekæfingum. Nemendur tóku glaðir þátt og stóðu sig allir með stakri prýði.