Fréttir

Nemendur í 3.–4. bekk hafa verið duglegir í smíðatímum undanfarið þar sem þeir unnu að gerð dagatals. Verkefnið gaf nemendum tækifæri til að æfa nákvæmni, verkfæranotkun og skapandi hugsun. Útkoman var fjölbreytt og skemmtileg. (Myndir fylgja fréttinni.)

Leikhópurinn Lotta heimsótti í gær nemendur grunnskólans og leikskólans og gladdi þá með líflegri söngsyrpu í Höfðaborg. Sýningin var sérstaklega ætluð elstu nemendum leikskólans og 1.–4. bekk, en jafnframt fengu eldri nemendur sem höfðu áhuga tækifæri til að kíkja á sýninguna. Vel var mætt og nutu nemendur sýningarinnar, enda bauð Leikhópurinn Lotta upp á skemmtilega og grípandi dagskrá sem höfðaði til breiðs aldurshóps. (Klikkið á frétt).

Í ár verður sett á svið leikritið Með allt á hreinu. Endilega takið dagana frá, við lofum góðri skemmtun og miklum hlátri. Frumsýning fimmtudaginn 26. mars kl. 18 Aukasýning föstudaginn 27. mars kl. 20.

Nýtt lestrarforrit tekið í notkun! Við í grunnskólanum höfum tekið í notkun smáforritið Læsi, sem styður við lestur nemenda bæði í skólanum og heima. Með forritinu viljum við efla lestraráhuga nemenda, fá betri yfirsýn yfir lestrarþjálfun þeirra og styrkja gott samstarf heimila og skóla. (Meira).

Í myndmennt hjá Laufeyju fá nemendur tækifæri til að efla sköpunargleði sína og tjá sig með fjölbreyttum hætti. Á veggjum skólans er að finna glæsileg verk nemenda í 1.-7. bekk sem okkur þótti við hæfi að fleiri fengju að njóta.

Í síðustu viku ríkti sannkölluð dansgleði í skólanum okkar þegar nemendur tóku þátt í fjölbreyttri og skemmtilegri danskennslu hjá henni Ingunni danskennara. Allir bekkir fengu tækifæri til að hreyfa sig, læra ný spor og sumir fengu einnig tækifæri til að semja eigin dansa. (Klikkið á fréttina).

Skóli hefst á morgun þriðjudaginn 6. janúar kl. 10:10.