Fréttir

Kæru foreldrar / forráðamenn Smitrakningarteymi hefur um helgina verið að vinna, í samstarfi við skólann, að rakningu þar sem smit innan skólans eru nokkur á Hofsósi og tengjast öllum deildum. Niðurstaðan er sú að við komumst ekki hjá því að allir nemendur og starfsmenn í skólanum á Hofsósi verði skráðir í sóttkví næstu viku sem lýkur með sýnatöku næstkomandi föstudag 17. september. Á Hólum eru allir skráðir í svokallaða smitgát og mæta því ekki í skólann fyrr en að hraðprófi loknu.

Skólasetning verður miðvikudag 25. ágúst á Hólum kl. 10:00 í sameinuðum stofum 2 og 3, en á Hofsósi kl. 13:00 ef veður leyfir úti í brekkunni gegnt nýja leikskólanum.

Mánudaginn 31. maí fóru fram skólaslit hjá Grunnskólanum austan Vatna og leikskólanum Tröllaborg. Fyrir hádegi voru skólaslit á Hólum og svo eftir hádegi var komið að Hofsósi. Með fréttinni eru myndir frá viðburðinum.

Kiwanisklúbburinn Freyja í Skagafirði hefur gefið skólanum gjöf í formi styrks til bókakaupa. Þakkar skólinn alveg kærlega fyrir þessa rausnarlegu gjöf og alveg klárt mál að hún kemur til með að nýtast vel.

Miðvikudagurinn 26. maí síðastliðinn heilsaði Skagfirðingum bjartur og fagur. Ekki versnaði útlitið þegar Leó frá Mallandi renndi í hlaðið við skólann á Hofsósi á langferðabíl sínum, því framundan var skólaferðalag unglingastigs Grunnskólans austan Vatna.

Skólaslit verða mánudag 31. maí kl. 11:00 á Hólum og kl. 14:00 á Hofsósi. Eins og undanfarin ár verður útskrift 5 ára nemenda úr Leikskólanum í sömu athöfn og skólalsit Grunnskólans.

Samkvæmt ákvörðun sóttvarnaryfirvalda í Skagafirði verður skólahald hjá okkur í Grunnskólanum austan Vatna næstu viku þrátt fyrir lokun Árskóla og aðrar staðbundnar ráðstafanir á Sauðárkróki. Það er þó ljóst að óbeinar afleiðingar hafa áhrif á skólahald hjá okkur svo sem nokkrir starfsmenn og nemendur sem þurfa að fara í sóttkví einhverja daga.

Okkar frábæru krakkar í Grunnskólanum austan Vatna gerðu sér lítið fyrir og unnu sinn riðlil í Skólahreysti í gær. Keppt var í Íþróttahöll Akureyrar eins og á undanförnum árum. Fulltrúar skólans að þessu sinni voru Agla Rut Egilsdóttir, Konráð Jónsson, Njála Rún Egilsdóttir, Vignir Nói Sveinsson og til vara voru Katla Steinunn Ingvarsdóttir og Arnór Freyr Fjólmundsson.

Nemendur í 1.bekk í Grunnskólanum austan Vatna fengu gefins reiðhjólahjálma frá Kiwanis í síðustu viku. Hér má sjá myndir af alsælum fyrstu bekkingum með gjöfina góðu.

Apríl er blár mánuður til að vekja athygli á málefnum barna á einhverfurófi. Á morgun föstudaginn 9.apríl er blái dagurinn, ætlum við í GaV að klæðast við bláu á morgun og fagna fjölbreytileikanum með einhverfu snillingunum okkar.