Fréttir

Árshátíð Grunnskólans austan Vatna á Hofsósi verður haldin hátíðleg föstudaginn 8.apríl kl.18:00 í Höfðaborg

Laugardagurinn 2. apríl er alþjóðlegur dagur einhverfra, ætlum við að halda upp á daginn mánudaginn 4. apríl. Blár litur hefur fram að þessu einkennt daginn og fólk klæðst bláu til að sýna samstöðu með einhverfum, en með nýju merki félags einhverfra (einstakur apríl) hafa fleiri litir bæst við litrófið til að tákna fjölbreytileika einhverfra. Merki félags einhverfra er fiðrildi og blái liturinn verður áfram hluti af litrófi fiðrildisins en fleiri litum hefur verið bætt við til að fagna fjölbreytileikanum, jákvæðni og gleði.

Fimmtudaginn 24. mars var undankeppni Stóru upplestrarkeppninnar haldin hátíðleg í Grunnskólanum á Hofsósi. Markmið upplestrarkeppninnar er að vekja athygli og áhuga á vönduðum upplestri og framburði. Í ár voru fjórar stúlkur í 7. bekk sem tóku þátt. Þær Emma Vigdís Fjólmundsdóttir, Sigrún Anna Kjartansdóttir, Valgerður Rakel Rúnarsdóttir og Ylfa Marie Broddadóttir. Stelpurnar hafa lagt mikinn metnað í verkefnið og hafa verið duglegar að æfa sig undir leiðsögn Bylgju, Laufeyjar, Sjafnar og Sigurlaugar.

Vikuna 14.-17.mars var dans- og nýsköpunarvika í skólanum. Þessa viku þá eru báðar starfsstöðvar skólans saman komin á Hofsósi. Að venju þá kom til okkar Ingunn danskennari og kenndi hún nemendum af stakri snilld. Að lokinni danssýningu þá var nýsköpunar sýning. Tvær elstu deildir skólans voru á sama tíma á skyndihjálparnámskeiði hjá honum Karli Lúðvíkssyni. Þess ber að geta að myndirnar sem tengjast skyndihjálpinni eru sviðsettar. Það er því óhætt að segja að það hafi verið nóg að gerast.

Árshátíð Grunnskólans austan Vatna á Hólum verður haldin föstudaginn 1.apríl kl.16:30. Að lokinni sýningu mun foreldrafélagið bjóða upp á kaffihlaðborð. Allir velkomnir!! Aðgangseyrir er 2000 kr. frítt fyrir leik- og grunnskólabörn. Aðgangseyririnn mun renna til foreldrafélagsins, enginn posi á staðnum.

Fimmtudaginn 17.mars verða nemendur Grunnskólans austan Vatna með danssýningu og sýningu á verkefnum í nýsköpun. Danssýningin hefst kl.14:00. Eftir danssýninguna gefst gestum kostur á að skoða nýsköpunarverkefni nemenda. Allir hjartanlega velkomnir!!

Vegna appelsínugulrar veðurviðvörunar sem tekur gildi núna í hádeginu ljúkum við skóladegi í dag kl. 13:00. Gert er ráð fyrir mjög hvössum vindstrengjum á akstursleið skólabíla. Nemendur fá sem sagt hádegismat en síðan er skóladegi lokið.

Undanfarnar vikur þá hafa nemendur verið að gera margt sniðugt. Vikuna 22.-24.febrúar þá fóru 10 nemendur af unglingastig á hestanámskeið hjá nemendum Hólaskóla. Þetta hefur verið árlegur viðburður og hefur verið mikil ánægja með námskeiðið.

Grunnskólinn austan Vatna fékk heimsókn frá fulltrúa Kiwanisklúbbsins Drangeyjar og lögreglunni til að gefa nemendum í 1. bekkjar endurskinsvesti. Komu þeir bæði við á Hólum og Hofsósi.

Stuðningsfélagið Einstök börn hefur send áskorun til skóla í tilefni af degi sjaldgæfra sjúkdóma sem er 28 febrúar ár hvert. Áskorunin felst í því að sýna stuðning og vekja athygli á málstað barna með sjaldgæfa sjúkdóma með því að klæðast glitrandi fatnaði þennan dag. Við hvetjum alla til að taka þátt í þessu skemmtilega verkefni og „glitra“ á bolludaginn.